Aktual mövzular: Dollar alış-satışı, Məzənnə, Neftin qiyməti

"Playstation" oynayarkən ildırım vurdu

Tarix: 13 Sentyabr 2022 18:14

Böyük Britaniyanın Abinqdon şəhərindən olan 33 yaşlı Eydan Rouen ildırım vurması nəticəsində ağır yaralanıb.

Milli.Az bildirir ki, bu barədə "The Sun" məlumat yayıb.

Kişi öz qonaq otağında oturaraq "Playstation 5"-də "Stray" oyunu oynayarkən onu ildırım vurub. "Göy gurultusu kimi çox güclü bir səs çıxdı və sonra bütün bədənimə çox ağır bir şey düşdü", - o xatırlayıb. Onun sözlərinə görə, ildırım vurmasından sonra o bir neçə saniyəyə huşunu itirib.

Zərərçəkmiş xəstəxanaya aparılıb. Məlum olub ki, ildırım vurması nəticəsində o, qolundan 60-a yaxın yanıq, ayağından da yanıq xəsarətləri alıb. Bundan əlavə, onun əzələləri zədələnib və ovucunun içində ulduza bənzər bir ləkə qalıb.

"Düşünürəm ki, son dəfə tufan zamanı oyun oynadım", - kişi deyib.

İrfan Vəliyev
Milli.Az

Whatsapp ilə göndər