Bəy toyda oxumağa çalışdı və həyatının şokunu yaşadı - VİDEO

Tarix: 4 Oktyabr 2022 18:06

Avstraliyanın Sidney şəhərində keçirilən toyda bəy gəlinə serenada oxumağa çalışıb və yıxılaraq dirsəyini əzib.

Sonxeber.net bildirir ki, hadisə şahidi tərəfindən lentə alınan video "The Sun"ın diqqətini çəkib.

Bəy Adam Kuinn gəlini Helen üçün dostları ilə mahnı oxumağa qərar verib. Tamaşa başlayandan bir neçə saniyə sonra o, təsadüfən rəqs meydançasında sürüşüb, yıxılıb və dirsəyi yerindən çıxıb.

Həmin şəxsi tibb işçiləri toydan aparıblar. Onunla birlikdə gəlinlik paltarında olan gəlin də gedib. Axşamın qalan hissəsini gəlin morfi vurulmuş və xəstəxana çarpayısında uzanan bəylə yerli təcili yardım otağında keçirib.

Gəlin sosial şəbəkədə ərinin tibbi cihazlara bağlanmış əli sarğılı şəklini yerləşdirib. Fotonun altında Helen "Xəstəlikdə və sağlamlıqda" yazıb.

"O, ruh kimi ağardı və qolunu sındırdığını söylədi. Məlum olub ki, onun dirsəyi çıxıb. Biz toydan arxa qapıdan çıxdıq. Bu, çox pis bir məqamdır və foto və videolara baxanda mən hər dəfə titrəyirəm", - gəlin deyib.

Xəstəxanada lentə alınan videoda Adam "Klassik sevgi mahnısı oxuyurdum və bunun çox romantik olduğunu düşündüm" deyib.

Toydan əvvəl yeni evlənənlər altı il görüşüblər. Onların bir yaş yarımlıq oğlu var.

İrfan Vəliyev