Aktual mövzular: Dollar alış-satışı, Məzənnə, Neftin qiyməti

Qətər builki çempionata rekord məbləğ xərclədi

Qətər builki çempionata rekord məbləğ xərclədi

Tarix: 10 Oktyabr 2022 22:10

Bu ilin noyabrında keçirilməsi planlaşdırılan Dünya Çempionatı ev sahibi Qətərə rekord məbləğə başa gələcək.

Milli.Az "qafqazinfo"ya istinadən xəbər verir ki, ilk dəfə böyük futbol tədbirinə ev sahibliyi edəcək Yaxın Şərq ölkəsi DÇ üçün 220 milyard dollar xərcləyib. Bu, 2018-ci ildə Rusiyada (11,6 milyard dollar), 2014-cü ildə isə Braziliyada (15 milyard dollar) keçirilən çempionatları geridə qoyub.

Bildirilir ki, vəsaitin böyük hissəsi Qətərin 2030-cu il üçün inkişaf planının bir hissəsi olan infrastruktur xərcləridir. Bu, mehmanxanalar, ən müasir metro şəbəkəsi, stadionlar və hava limanları olan innovasiya mərkəzinin tikintisini əhatə edir.

Qətərin təkcə bu tədbir üçün 8 stadion hazırladığı məlumdur. Onlardan yeddisi 2022-ci il Dünya Kuboku üçün sıfırdan tikilib. Səkkiz stadionun hər biri təxminən bir saatlıq məsafədədir. 

Səkkiz stadion günəş panelləri ilə təchiz ediləcək və ən müasir soyutma sistemlərinə, o cümlədən bəzi stadionlarda açıq hava kondisionerinə malik olacaq.

Təxmini hesablamalara görə, noyabrda Qətərə 1,5 milyona yaxın futbol azarkeşi gələcək.

Milli.Az


Etiketlər:  Qətər builki çempionata rekord məbləğ xərclədi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ