Xaricdə mağazaya gedən turistin ayağını kəsdilər

Tarix: 18 Oktyabr 2022 17:46

Meksikaya tətilə gələn amerikalı turist silahlı dəstə tərəfindən qaçırıldığını və qarət edildiyini söyləyib - cinayətkarlar onun ayağını da kəsərək, adamı xəndəkdə ölümə buraxıblar.

Sonxeber.net bildirir ki, o, hekayəsini "Fox News"a müsahibəsində danışıb.

Qeyd olunub ki, hadisə ötən ilin fevralında baş verib, lakin həmin şəxs təfərrüatları indicə paylaşıb. Dastan Cekson həyat yoldaşı ilə birlikdə Kankun şəhərinə tətilə yollanıb. Vətəninə uçmadan bir neçə saat əvvəl amerikalı çeynənilən tütün üçün taksi tutmaq qərarına gəlib. Ən yaxın yanacaqdoldurma məntəqəsində tütün tapılmayıb, və Dastan taksi sürücüsünə ərzaq mağazasına getməyi təklif edib.

Ceksonun dediyinə görə, o, pusquya düşüb: turist maşından düşən kimi maçete ilə silahlanmış quldurlar ona hücum ediblər. Amerikalı huşunu itirib və oyananda görüb ki, ayağı kəsilib, özü isə xəndəkdədir. "Onlar Axilles vətərimi kəsmək istədilər, amma edə bilmədilər. Sonra isə onlar ayağımın altını kəsdilər. Sonra isə məni ölümlə üz-üzə qoydular", - deyə amerikalı baş verənləri xatırlayıb.

Cekson 72 saata yaxın xəndəkdə uzanıb, lakin aldığı xəsarətlərə baxmayaraq, yenə də insanların yanına çıxa bilib. Bir polis qadın yaralı turist tapıb, ona kömək edilib və sonra turist hava limanına aparılıb. Kişi ayağını və çiynini bərpa etmək üçün dörd əməliyyat keçirib, bəzi fiziki məşqlər indi onun üçün əks göstərişdir.

"Həyatımdakı bütün xırda şeylərə görə minnətdaram. Həyatda nə ola biləcəyini bilmirsən, ona görə də heç vaxt təslim olma. Mübarizəni davam etdirin", - Cekson bildirib.

İrfan Vəliyev