Türkiyə SQ İraqın şimalında 5 terrorçunu zərərsizləşdirib

Tarix: 3 Oktyabr 2019 01:40

Bakı. Trend:

Türkiyənin Milli Kəşfiyyat Təşkilatı və Silahlı Qüvvələrinin keçirdiyi birgə əməliyyat nəticəsində 5 PKK terrorçusu zərərsizləşdirilib.

Trend-in məlumatına görə, bu barədə Türkiyənin Müdafiə Nazirliyi bildirib.

Məlumata əsasən, terrorçuların İraqın şimalındakı Qara rayonunda həyata keçirilən hava əməliyyatı zamanı zərərsizləşdirilib.

Hava əməliyyatları zamanı zərərsizləşdirilən terrorçuların sayının 17-yə çatdığı qeyd olunur

Xatırladaq ki, mayın 27-i Türkiyə Hərbi Hava Qüvvələri və Silahlı Qüvvələri İraqın şimalında yerləşən Kərkük rayonunda "Pənçə" (Pəncə) adı alan irimiqyaslı əməliyyata başlayıblar.

Trend-in ən mühüm və maraqlı xəbərlərini "Telegram"da izləyin