Ata qadınları öldürdü, qızı meyitlərini gizlətdi

Tarix: 27 Oktyabr 2022 18:54

Ayova (ABŞ) sakini bildirib ki, onun mərhum atası 70-ə yaxın qadının həyatına son qoyan amansız qatil olub.

Milli.Az bildirir ki, bu barədə "Newsweek" məlumat yayıb.

Lüsi Stadi on il əvvəl vəfat edən atası Donald Din Stadini 30 il ərzində 50-70 qətl törətməkdə ittiham edib. Kişi 75 yaşında dünyasını dəyişib. Qadının sözlərinə görə, ata cəsədləri gizlətmək üçün uşaqlarını ona kömək etməyə məcbur edib. Ailə həlak olanların meyitlərini öz təsərrüfatının ərazisindəki quyunun yanında basdırıb.

"Mən cəsədlərin harada basdırıldığını bilirəm. Sadəcə bizə quyuya getdiyini deyirdi. Mən bunun nə demək olduğunu bilirdim", - manyakın qızı deyib. Fremont dairəsinin şerifi Kevin Eystrop iki polis itinin qadının göstərdiyi yerdə çürümüş cəsədlərin olduğunu göstərdiyini təsdiqləyib. İtlərdən biri hürməyə başlayıb, digəri isə qalıqların basdırıldığı yerdə oturub.

"Qadının dəhşətli bir hekayəsi var, amma itlərin davranışından başqa heç bir sübutumuz yoxdur. Bizə daha çox dəlil lazımdır", - deyə şerif bildirib. Eyni zamanda itlərin davranışı amerikalının sözlərinə inandırıcılıq qatıb. Bundan sonra polis Ayova Cinayət Axtarış Şöbəsi ilə birgə işləyəcək.

Polis 2021-ci ildə Stadinin hekayəsini araşdırmağa başlayıb, lakin onlar quyunun yerini tapmalı və axtarışa başlamaq üçün hazırkı torpaq sahiblərindən və qonşularından icazə almalı idilər.

Polis Donald Stadinin əksəriyyəti qonşu Omaha və Nebraska ştatlarından olan seks işçiləri olan qadınları şirnikləndirdiyindən şübhələnir. Onları öz fermasına gətirib, sonra isə öldürüb. Qurbanların əksəriyyəti tünd saçlı və əksəriyyəti 20-30 yaşlarında olub. Qızının sözlərinə görə, ata qurbanların üzərinə paltar və zinət əşyaları qoyub. Ölülərin qızıl dişlərini qənimət kimi saxlayıb.

Donaldın qızı bildirib ki, kişi mütəmadi olaraq sərxoş olub və tez-tez əsəbiləşib. O, ailənin yaşadığı treylerdə qurbanların başlarını əzib. Amerikalı uşaqları onun fəaliyyəti haqqında qəsdən məlumatlandırıb. Lüsinin qardaşı 39 yaşında intihar edib.

Qadın iddia edib ki, o, Ayova və Nebraska ştatlarında müəllimlər və keşişlər, həmçinin polis məmurları ilə danışıb, lakin heç kim onun sözlərinə qulaq asmayıb.

Sağ olanda Donald Stadi silah və narkotik saxlamaq, xırda oğurluq və sərxoş sürücülük ittihamı ilə cinayət məsuliyyətinə cəlb edilib.

İrfan Vəliyev
Milli.Az