Aktual mövzular: Dollar alış-satışı, Neftin qiyməti, COP29, Hava proqnozu

Hindistan Ermənistanı belə silahlandırır - DETALLAR

Tarix: 10 Noyabr 2022 14:38

Hindistan Ermənistana öz istehsalı olan 155 mm-lik ATAGS yedəkli haubitsaları tədarük edəcək.

Sonxeber.net The Hindu-ya istinadən bildirir ki, sifariş "Bharat Forge Ltd"nin törəmə şirkəti olan "Kalyani Strategic Systems Ltd" özəl şirkəti tərəfindən alınıb.

Haubitsaların tədarükü Hindistanın öz istehsalı olan qabaqcıl hərbi platformaların idxalını təşviq etmək istəyinə uyğun olaraq Hindistanın "Atamanirbhar Bharat" dövlət proqramı çərçivəsində həyata keçiriləcək.

The Hindu birbaşa müştəri ölkəsinin adını çəkmir, lakin Business Standard-a görə, söhbət Ermənistandan gedir.

Xatırladaq ki, Ermənistan Hindistandan 250 milyon dollarlıq silah və hərbi texnika almağa hazırlaşır.

Ermənilər Dehlidən haubitsalar, reaktiv yaylım atəşi sistemləri, tank əleyhinə idarə edilən raket qurğuları, həmin qurğular üçün raketlər, minaatanlar, gecəgörmə və rabitə cihazları, radiolokasiya sistemləri və s. əldə etmək niyyətindədir.