Aktual mövzular: Dollar alış-satışı, Məzənnə, Neftin qiyməti

Türkiyə Filippinə iki “Atak” verdi

Türkiyə Filippinə iki “Atak” verdi

Tarix: 26 Noyabr 2022 08:26

Türk Aviasiya və Kosmos Sənayesi (TÜSAŞ) şirkəti Filippin Hərbi Hava Qüvvələrinin sifariş etdiyi iki ədəd "T129 Atak" hücum helikopterini ölkəyə təhvil verib.

Bu barədə Türkiyənin "Anadolu" xəbər agentliyi məlumat yayıb.

Qeyd olunub ki, bu, Filippin Hərbi Hava Qüvvələrinin sifariş etdiyi altı helikopterdən ibarət partiyanın ikinci və üçüncüsüdür. Daha iki helikopter dekabrda sınaqları başa çatdıqdan sonra ölkəyə təhvil veriləcək.

Ümumilikdə TÜSAŞ müxtəlif hüquq-mühafizə orqanları üçün nəzərdə tutulmuş 75 ədəd "T129 Atak" helikopterini Filippinə çatdırıb.

"T129" hücum helikopteri "Agusta A129 Mangusta" platforması əsasında Avropanın "AgustaWestland" konserni ilə birgə hazırlanıb.

Helikopter gündüz və gecə saatlarında isti və yüksək dağlıq ərazilərdə quru qoşunlarına və kəşfiyyat missiyalarına atəş dəstəyi vermək üçün nəzərdə tutulub.

Milli.Az


Etiketlər:  Türkiyə Filippinə iki Atak verdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ