Aktual mövzular: Dollar alış-satışı, Neftin qiyməti, COP29, Hava proqnozu

İngiltərədə nəqliyyat xaosu yarandı

Tarix: 27 Dekabr 2022 16:48

Böyük Britaniyada Miladdan sonrakı gündə dəmiryol tətilləri səbəbindən nəqliyyat xaosu yaranıb.

"Network Rail Stansted Express" ilə əlaqəli minlərlə Böyük Britaniya dəmir yolu işçisi dekabrın 24-ü axşam saat 18:00-dan 27 dekabr səhər 06:00-a qədər tətil edir. "Hitrou Ekspress" şirkəti də planlaşdırılan modernləşdirmə işlərini əsas gətirərək nəqliyyat xidmətləri göstərməkdən imtina edib.

Sonxeber.net oxu.az-a istinadən xəbər verir ki, bu baxımdan Britaniya vətəndaşları ölkə daxilində yalnız avtomobil yolu ilə səyahət etməyə məcbur qalıblar.

Böyük Britaniyanın dəmir yolu, dəniz və avtomobil nəqliyyatı həmkarlar ittifaqının rəhbərliyi tətillərə görə günahı və məsuliyyəti dəmiryolçularla müntəzəm danışıqlardan sonra "yoxa çıxan" hökumət üzərində görür.

"Hökumət dəmir yolu sənayesinə iş təhlükəsizliyi, daha yaxşı iş şəraiti və daha yüksək əmək haqqı ilə bağlı danışıqlar aparmaq hüququ vermədikcə, tətilimiz davam edəcək", - deyə həmkarlar ittifaqının baş direktoru Mik Linç bildirib.

Whatsapp ilə göndər