Aktual mövzular: Dollar alış-satışı, Neftin qiyməti, COP29, Hava proqnozu

Əməkdar artist xəstəxanaya yerləşdirildi

Tarix: 10 Fevral 2023 18:25

Əməkdar artist Ağalar Bayramov xəstəxanaya yerləşdirilib.

Sonxeber.net axşam.az-a istinadən xəbər verir ki, evində yıxılaraq ayağından zədə alan tanınmış qiraətçi Respublika Klinik Xəstəxanasında müalicə olunur.

A.Bayramov axşam.az-a açıqlamasında hazırda özünü yaxşı hiss etdiyini bildirib:

"Hadisə fevralın 3-də baş verib. Ehtiyatsızlıq ucbatından yıxıldım. Başım divara dəydi, huşumu itirdim. Evdə də gəlindən başqa heç kim yox idi. Tez məni divana uzandırdı, daha sonra isə xəstəxanaya çatdırdılar. İndi sistemlər vurulur, vəziyyətim yaxşılığa doğru gedir. Mənə burada xidmət göstərən hər kəsə təşəkkür edirəm".

A.Bayramov eyni zamanda Türkiyədə baş verən zəlzələyə görə narahat olduğunu qeyd edib:

"Həyəcanlanıram. Bu da mənə olmaz. Bircə arzum odur ki, Türkiyə bütün sınaqlardan alnıaçıq çıxsın. Ürəyim dözmür. Mənim oğlum Şəhriyarın məzarı Qubadlıdadır. Yanvarda onu ziyarətə getmişdim. Onun qəbrinə and olsun, öz canım yadımdan çıxıb, qəlbim oradadır".

Whatsapp ilə göndər