Aktual mövzular: Dollar alış-satışı, Neftin qiyməti, COP29, Hava proqnozu

Tbilisinin mərkəzində keçirilən mitinq başa çatıb, 50 nəfər saxlanılıb

Tarix: 8 Mart 2023 09:54

Tbilisinin mərkəzində mitinq başa çatıb, onun keçirildiyi Rustaveli prospektində nəqliyyatın hərəkəti bərpa olunub.

Sonxeber.net bu barədə APA-ya istinadən məlumat verir.

"Rustaveli prospektində avtomobillərin hərəkəti bərpa olunub. Hüquq-mühafizə orqanları, xüsusi təyinatlılar ərazini tərk edir, su reaktiv maşınları götürülür. Mitinq iştirakçıları da parlamentin ətrafındakı ərazini tərk edirlər", - deyə KİV yazır.

Etiraz aksiyası zamanı 50 nəfər saxlanılıb.

Saxlanılanlar arasında müxtəlif siyasi partiyaların liderlərinin də olduğu bildirilir.

Polislə qarşıdurma zamanı bir neçə avtomobilə od vurulub, qanunverici orqanın pəncərələri sındırılıb. Gürcüstan Daxili işlər nazirliyi etirazçılarla yanaşı polis əməkdaşları arasında xəsarət alanların olduğu bildirir.

DİN hələlik saxlanılanlarla bağlı spesifik rəqəm açıqlamayıb.

Hazırda ərazidə sakitlik hökm sürür.

Whatsapp ilə göndər