Aktual mövzular: Dollar alış-satışı, Məzənnə, Neftin qiyməti

Prezident: Azərbaycan Qərblə Şərq arasında mədəni körpü qurulmasına töhfə verir

Prezident: Azərbaycan Qərblə Şərq arasında mədəni körpü qurulmasına töhfə verir

Tarix: 10 Mart 2023 18:42

Azərbaycan Qərblə Şərq arasında mədəni körpü qurulması işinə töhfə verir, mütəmadi olaraq mühüm beynəlxalq tədbirlərə ev sahibliyi edir.

Milli.Az AZƏRTAC-a istinadən bildirir ki, bu barədə Prezident İlham Əliyev Nobel sülh mükafatı laureatı Kailaş Satyartini qəbul edərkən deyib.

Gələn il BMT ilə birgə Mədəniyyətlərarası Dialoq Forumunun da keçiriləcəyini diqqətə çatdıran dövlətimizin başçısı qeyd edib ki, multikultural dövlət olan Azərbaycanda tarixən müxtəlif mədəniyyətlərin və dini konfessiyaların nümayəndələri dinc yanaşı yaşayıblar. Bununla da, Azərbaycan müxtəlif sivilizasiyaların bir araya gəlməsində mühüm rol oynayır.

X Qlobal Bakı Forumunun önəminə toxunan Prezident İlham Əliyev çox sayda ölkədən tanınmış siyasi və ictimai xadimlərin, digər nümayəndələrin burada iştirakını tədbirin nüfuzunun göstəricisi kimi dəyərləndirib.

Milli.Az


Etiketlər:  Prezident Azərbaycan Qərblə Şərq arasında mədəni körpü qurulmasına töhfə verir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ