Aktual mövzular: Dollar alış-satışı, Məzənnə, Neftin qiyməti

"Vulverhempton" qardaşımla boşuna müqavilə bağlamayıb" - Rüfət Dadaşov

Tarix: 19 Oktyabr 2019 13:04

Azərbaycan millisinin futbolçusu Rüfət Dadaşov Almaniya mətbuatına müsahibə verib.

Qol.az “Liga3 Online” portalına istinadən xəbər verir ki, 28 yaşlı hücumçu AVRO-2020-nin seçmə mərhələsinin oyunları haqda danışarkən son matçlarda rəqiblərindən geri qalmadılarını söyləyib:“Xorvatiya, Macarıstan, Slovakiya və Uelsin yer aldığı çətin qrupumuz var. Ancaq son matçlarda rəqiblərimizdən geri qalmadıq, məğlubiyyətlər minimal hesablı oldu. Vitse-çempion Xorvatiya ilə 1:1 hesablı heç-heçə önəmli nəticədir. Kiçik futbol ölkəsi kimi hər bir məqamı səbrsizliklə gözləyirik”.

Almaniyanın “Proyssen” klubunda çıxış edən forvard son matçlarda daha çox ehtiyatda qalmasına da münasibət bildirib: “Əlbəttə, meydanda daha çox vaxt keçirmək istərdim. Üstəlik, biz bir hücumçu ilə müdafiə futbolu oynayırıq. Ona görə də çox vaxt əsas heyətdə mənə yer tapılmır. Ancaq oynamaq üçün hər şey etməyə hazıram. Bəhreyni 3:2 hesabı ilə məğlub etdiyimiz oyunda nəyə qadir olduğumu göstərdim və qol vurdum”.

R. Dadaşov Azərbaycan millisində qardaşı Renat Dadaşovla birgə çıxış etməyin onun üçün qürurverici olduğunu söyləyib. O, özü kimi hücumçu olan kiçik qardaşının İngiltərə təmsilçisi “Vulverhempton”a transferindən də danışıb: “İki qardaşın millidə birgə oynaması adi məsələ deyil. Onunla görüşə bilmədiyimiz üçün yığmanın heyətində birgə olmağımız ikiqat xoşdur. Renatın böyük potensialı var və düşüncə olaraq da artıq böyüyüb. O, yeniyetmə yaşlarındakı səhvlərindən dərs çıxarıb və indi daha intizamlıdır. İngiltərə Premyer Liqasında çıxış edən klub onunla boşuna müqavilə bağlamayıb. Ona peşəkar karyerasında inanıram. Bütün ailəmiz onu dəstəkləyir”.

 


Etiketlər:  Vulverhempton qardaşımla boşuna müqavilə bağlamayıb Rüfət Dadaşov


RƏYLƏR

ƏN ÇOX OXUNAN XƏBƏRLƏR


OXŞAR XƏBƏRLƏR



Populyar Xəbərlər

XƏBƏR LENTİ