Aktual mövzular: Dollar alış-satışı, Neftin qiyməti, COP29, Hava proqnozu

Ruslar tələ hazırlamışdı, özləri düşdülər - Musienko

Tarix: 11 Aprel 2023 11:16

Rusiya qoşunlarının hücumu səngiyir və tezliklə müdafiəyə keçəcəklər. Hazırda düşmən səylərini cəmləşdirib və Maryinski, Avdeyev və Baxmut istiqamətlərində hücuma davam edir.

Sonxeber.net Axar.az-a istinadən xəbər verir ki,bunu Ukrayna Hərbi Hüquqi Araşdırmalar Mərkəzinin rəhbəri Aleksandr Musienko deyib.

Musienkonun sözlərinə görə, rus hərbçilər Donetsk vilayətinin Uqledar rayonu yaxınlığında da aktiv hücum əməliyyatlarını bərpa ediblər. Eyni zamanda, nə Liman, nə də Kupyanski istiqamətlərində rusların heç bir uğuru yoxdur:

"Əslində, rus qoşunlarının resursu tükənir, hücum potensialı sona çatır. Daha sonra aprelin əvvəlindən intensiv hazırlaşdıqları müdafiəyə keçəcəklər".

Cəbhədə gələcək inkişafı proqnozlaşdıran Musienko qeyd edib ki, Baxmut artıq ruslar üçün tələyə çevrilib:

"Baxmayaraq ki, rus hərbçiləri özləri orada Ukrayna Silahlı Qüvvələri üçün tələ hazırlayırdılar. Bununla yanaşı, Ukrayna nəhəng vəzifəni yerinə yetirir - bir tərəfdən düşmənin irəliləyişini dayandırır, digər tərəfdən isə gələcəkdə lazım olacaq ehtiyatları qoruyur".

Whatsapp ilə göndər