Aktual mövzular: Dollar alış-satışı, Məzənnə, Neftin qiyməti

"Möcüzə" baş verdi... - VİDEO

Tarix: 20 May 2023 14:48

İngiltərə 1-ci liqasında (statusuna görə Premyer Liqa və Çempionşipdən sonra üçüncü liqa sayılır) pley-off mərhələsinin cavab oyunlarına start verilib.

Milli.Az xəbər verir ki, "Şeffild Yunayted" Aleks Ferqyusonun oğlu Darren Ferqyusonun baş məşqçisi olduğu "Piterboro"nu qəbul edib. "Şeffild" ilk matçda 0:4 hesabı ilə uduzduğundan, finala yüksəlməsi möcüzə kimi görünürdü. Amma onlar, necə deyərlər, möcüzəni gerçəkləşdirə biliblər.

90 dəqiqədə "Şeffild" rəqib qapısından 4 cavabsız qol keçirib və matçı əlavə vaxtı aparıb. Yeri gəlmişkən, onlar 4-cü qolu 90+8-ci dəqiqədə vurub.

Əlavə vaxtda - 105-ci dəqiqədə meydan sahibləri daha bir qol vurublar. Bu dəfə isə öz qapılarına. "Şeffild"ə ümumi hesabı bərabərləşdirmək üçün daha bir qol lazım olub ki, onlar 108-ci dəqiqədə bunu da həyata keçiriblər - 5:1.

Yekunda qalib penaltilər seriyasında müəyyən olunub. Burada da uğurlu olan (5:3) "Şeffild" finala vəsiqə qazanıb. Bundan sonra fanatlar meydana daxil olaraq qələbəni bayram ediblər.

Finalın qalibi yeni mövsümdə Çempionşipdə mübarizə aparacaq. (publika)

Milli.Az

Whatsapp ilə göndər