45 yaşdan sonra ana olan məşhur qadınlar

Tarix: 9 Iyul 2023 01:02

O, mənim təsəvvür etdiyim ən böyük xeyir-duaya layiq arzumdur..."

"Karyera və analığı uzlaşdırmaq asan deyil, amma mənim qulluqçum yoxdur, hər şeyi özüm edirəm..."

"Siz 40 yaşınızda valideyn olmağa 20 yaşınıza nisbətən daha çox hazır olursunuz..."

Bir neçə gün öncə britaniyalı super-model Naomi Kembell ikinci dəfə ana olub. Podiumlar ulduzu sosial şəbəkələrdə körpəsi ilə fotoşəklini paylaşaraq isifadəçilərinə məlumat verib ki, onun iki yaşında olan qızının kiçik qardaşı dünyaya gəlib. "Ana olmaq heç vaxt gec deyil", - o, bəyan edib.

Sonxeber.net moderator.az-a istinadən bildirir ki, bu barədə "Detaly" nəşri yazıb.

Həkimlər və alimlər uşağın doğulması üçün hansı yaşın "ən yaxşı" olduğu barədə mübahisə edərkən, bu gün haqqında danışacağımız yeddi məşhur qadın öz nümunəsində sübut edib ki, ana olmaq, ümumiyyətlə, heç vaxt gec deyil.

Naomi Kembell (51 yaş)

2021-ci ilin mayında o zaman 51 yaşı tamam olan Naomi Kembell məlumat verib ki, ilk dəfədir ki, ana olub. Bu xəbər modelin təkcə pərəstişkarları deyil, həm də ən yaxın əhatəsi üçün sürpriz olub. 2022-ci ilin fevralında Naomi 9 aylıq qızı ilə Britaniyanın "Vogue" jurnalının üz qabığına çəkilib. "O, mənim təsəvvür etdiyim ən böyük xeyir-duaya layiq arzumdur. Bu, mənim nə zamansa etdiklərimin ən yaxşısıdır", - model jurnala müsahibəsinsə etiraf edib.

Cümə günü, iyunun 30-da Naomi Kembell məlumat verib ki, supermodelin adını indiyədək gizli saxladığı qızının qardaşı doğulub. "Mənim əzizim, bil ki, sən bizim ölçüyəgəlməz dərəcədə dəyərimizsən və sən dünyaya gəlişinin ilk anlarından sevgimizə qərq olmusan. Sən Tanrının əsl hədiyyəsisən. Körpəm, dünyamıza xoş gəlmisən!" - model yazıb.

Kemeron Diaz (47 yaş)

Amerikalı aktrisa Kemeron Diaz ilk dəfə 47 yaşında ana olub. Qızının dünyaya gəlişindən sonra "Mübadilə üzrə məzuniyyət" filminin ulduzu aktyorluq karyerasında fasilə götürüb və özünü tamamilə ailəsinə həsr edib. "Mən öz həyatımın ən gözəl analıq mərhələsinə qədəm qoymuşam", - o, müsahibələrinin birində deyib.

Kemeron Diaz etiraf edib ki, o, hər bir ana kimi bəzən dözümsüz olur və əlavə edib ki, hər zaman özünü ələ ala bilməyəndə qızından üzrxahlıq edir. "Bu, çətin məsələdir, amma özünüzü saxlaya bilməyəndə, sadəcə, bunu söyləyin: "Aman Allahım, ana özündən çıxıb, mən bunu istəmirdim, sənin qanını qaraltdımsa, məni bağışla. Mən istəyirəm biləsən ki, anan da insandır", - aktrisa digər valideynlərə məsləhət edib.

Canet Cekson ( 50 yaş)

Amerikalı müğənni Canet Cekson 50 yaşında yeganə oğlu İssanı dünyaya gətirib. Onun hamiləliyi asan keçməyib,
uçaqsalma təhlükəsi yüksək olduğundan o, hormonal preparatlardan istifadə etməyə məcbur olub, uşaq ana bətnində olanda 43 kq çəki artırıb.

Doğuşdan üç ay sonra Canet Cekson uşağın atası, milyardçı Vissam Əl-Manla boşanıb və təkbaşına qəyyumluq hüququnu əldə edib. "Karyera və analığı uzlaşdırmaq asan deyil. Lakin buna baxmayaraq, mənim qulluqçum yoxdur, hər şeyi özüm edirəm. Mənin oğluma yalnız səhnəyə çıxanda baxan olur", - müğənni müsahibəsində etiraf edib.

Marsiya Kross (45 yaş)

"Fədakar evdar qadınlar" serialından tanınan amerikalı aktrisa Marsiya Kross uzun zaman hamilə qala biməyib. Nəhayət, aktrisanın əri broker Tom Maxoni ona ekstrakorporal mayalanmaya inandıra bilib. Hər şey ilk dəfədən alınıb, aktrisa özünün 45 yaşınadək İden və Savanna adlı əkiz qızlarının anası olub.

"Mən 30 yaşımdan körpə arzulamışam, lakin o zaman mənin ərim olmayıb. Mən tez-tez qızlarımı çəkilişlərə aparıram, lakin hansısa səbəblərdən bunu edə bilməyəndə, ertəsi gün dünyada ən yaxşı ana kimi davranıram ki, çatışmayan diqqətimi kompensasiya edə bilim", - aktrisa bölüşüb.

Holli Berri (47 yaş)

Aktrisa Holli Berri öz geçikmiş hamiləliyini əsl mözücə adlandırıb, axı, onun sözlərinə görə, o, menopauza zamanı hamilə qalıb. "Düzünü desəm, mən bunun  mənim bu yaşımda, umumiyyətlə, mümkün olacağını düşümürdüm. İndi isə mən heç vaxt heç vaxt deməməyi öyrənmişəm", - aktrisa oğlu Maseonun dünyaya gəlişindən sonra bəyan edib.

Holli Berri əmindir ki, analıq kimi vacib işdə tələskənlik etmək olmaz. "Siz 40 yaşınızda valideyn olmağa 20 yaşınıza nisbətən daha çox hazır olursunuz. Siz özünüz çox şeylərə nail olmusunuz və öz körpənizə daha çox şeylər verə bilərsiniz", - aktrisa öz mülahizələrini bölüşüb.

Kristin Devis (53 yaş)

Amerikalı aktrisa Kristin Devis daha çox "Böyük şəhərdə seks" serialından tanınıb və heç vaxt ərdə olmayıb. Lakin bu, onun iki övlad anası olmağına mane ola bilməyib.

2011-ci ildə Kristin Cemmi Rouz Devis adlı qızı övladlığa götürüb, daha yeddi il sonra Uilson adlı oğlanı oğulluğa götürüb. "Mən çoxdan uşaq arzu etmişəm. İndi mənim arzularım gerçəkliyə çevrilib və mən çox xoşbəxtəm. Bu, mənim təsəvvür etdiyim ən yaxşısıdır", - aktrisa bölüşüb.

Lyusi Lyu (46 yaş) 

Uzun illər hamilə qalmağa uğursuz cəhdlərindən sonra amerikalı aktrisa Lyusi Lyu surroqat analıq xidmətinə müraciət edib. "Çarli mələkləri"nin 46 yaşlı ulduzu öz pərəstişkarlarına məlumat verib ki, oğul anası olub və körpəni özü dünyaya gətirmədiyini etiraf edib.

Təbriklər və xoşbəxtlik arzuları ilə yanaşı, aktrisa ittihamlarla da üzləşib. "Buzim dövrümüzdə necə olmasından asılı olmayaraq ailə yaradanların ittiham edilə biləcəyindən şok keçirmişəm", - Lyusi Lyu deyib. Bundan sonra aktrisa "HowWeFamily" hərəkatını yaradıb və məqsədi müxtəlif növ analıq üsulları ilə bağlı xurafata qarşı mübarizə aparmaq olub.