Aktual mövzular: Dollar alış-satışı, Neftin qiyməti, COP29, Hava proqnozu

Tanınmış aktrisa “Teşkilat”dan ayrılır - FOTO

Tarix: 28 Iyul 2023 19:00

Tanınmış türkiyəli aktrisa Deniz Baysal dördüncü mövsüm ekranlara gəlməyə hazırlaşan "Teşkilat" serialından ayrılır.

Sonxeber.net qafqazinfo-ya istinadən xəbər verir ki, bu barədə aktrisa özü sosial şəbəkə hesabında paylaşım edib.

Serialda Zehra Balaban xarakterini canlandıran aktrisa paylaşımında bu layihənin onun həyatında böyük rolu olduğunu qeyd edib və bütün çəkiliş heyətinə uğurlar arzu edib: "Mənim üçün bitmiş olsa da, həmişə yanınızdayam. Birlikdə unudulmaz anlar yaşadıq. Yolunuz hər zaman açıq olsun! Dəyərli izləyicilərimiz, üç mövsüm boyunca mənə verdiyiniz dəstək, tənqidləriniz üçün təşəkkür edirəm. Yaxşı ki varsınız..."

D. Baysalın yerinə kimin gətiriləcəyi məlum deyil. Digər baş rol ifaçısı Murat Yıldırım isə "Teşkilat"da qalır. Serialın sentyabr ayından etibarən 4-cü mövsüm çəkilişləri ilə efirə çıxacağı gözlənilir.

Qeyd edək ki, 32 yaşlı aktrisa "Fazilet hanım ve kızları", "Söz" və digər seriallarda rol alıb.