Aktual mövzular: Dollar alış-satışı, Məzənnə, Neftin qiyməti

“WhatsApp” haker hücumundan qorunmaq üçün yeni funksiya hazırlayır

Tarix: 4 Avqust 2023 09:46

"WhatsApp" mesencerinin tərtibatçıları hesabın təhlükəsizliyini təkmilləşdirmək üçün yeni funksiya üzərində işləyirlər.

Milli.Az oxu.az-a istinadən bildirir ki, bu, e-poçt ünvanından istifadə edərək istifadəçini yoxlamaqla mümkün olacaq. Belə ki, "WhatsApp" hesabı yoxlamaq üçün istifadəçidən e-poçt ünvanı istəyəcək.

Bununla belə, yeni "WhatsApp" funksiyası istifadəçilər üçün istəyə bağlı olacaq. İnsanlar iki faktorlu autentifikasiya qurarkən e-poçt ünvanı əlavə etməkdən imtina edə biləcəklər.

Bu funksiya inkişaf mərhələsindədir və hazırda yalnız Android 2.23.16.15 beta versiyası üçün "WhatsApp"ın bəzi istifadəçiləri üçün əlçatandır. Ehtimal olunur ki, bu funksiya ilk olaraq Android smartfonlar üçün tətbiqin yeni stabil versiyasında görünəcək və ondan sonra iOS-da iPhone üçün versiyaya əlavə olunacaq.

Milli.Az

Whatsapp ilə göndər