Fransada koronavirusun yeni variantı sürətlə yayılır

Tarix: 13 Avqust 2023 02:18

Fransada koronavirusun omikron ştamının yeni variantı - Eris (EG.5.1) sürətlə yayılır.

Milli.Az "Report"a istinadən xəbər verir ki, bu barədə Fransa KİV-i məlumat yayıb.

Qeyd olunub ki, yoluxma halına daha çox kurort zonalarında rast gəlinir.

Məlumatda 15-74 yaşlı insanlar arasında yoluxma hallarının ötən həftəyə nisbətən 25 faiz artdığı bildirilib.

Həmçinin 74 yaşdan yuxarı insanlarda 34 faiz, 2 yaşdan aşağı körpələrdə isə 56 faiz artım olduğu vurğulanıb.

Alimlər yeni variantın ictimai riskinin o qədər də çox olmadığını düşünürlər.

Amma bununla yanaşı Erisin qlobal miqyasda yayıla bilməsi və yoluxma hallarının artması istisna edilmir.

Milli.Az

Whatsapp ilə göndər

13 Avqust 2023 02:18 94 Dünya milli.az

13 Avqust 2023 02:18	94
Dünya	milli.az