Aktual mövzular: Dollar alış-satışı, Neftin qiyməti, COP29, Hava proqnozu

Şenol Günəş: “Neftçi” yaxşı top saxlayan, texnikalı komandadır”

Şenol Günəş: “Neftçi” yaxşı top saxlayan, texnikalı komandadır”

Tarix: 16 Avqust 2023 20:32

"Neftçi" yaxşı top saxlayan, texnikalı komandadır".

Sonxeber.net report-a istinadən xəbər verir ki, bunu Türkiyənin "Beşiktaş" klubunun baş məşqçisi Şenol Günəş "Neftçi"yə qarşı keçiriləcək UEFA Konfrans Liqasının III təsnifat mərhələsinin cavab oyunu ərəfəsində mətbuat konfransında deyib.

71 yaşlı mütəxəssis Bakıdakı ilk görüşdə 3:1 hesablı qələbə qazanmalarına baxmayaraq, Azərbaycan təmsilçisi ilə ikinci duelə ciddi hazırlaşdıqlarını bildirib: "Mövsümə yeni başlamışıq. Üç gündən bir oyun keçiririk. Əlimizdəki heyətdən maksimum dərəcədə yararlanmağa çalışırıq. Hər hansı bir problemimiz yoxdur, fiziki cəhətdən hər şey qaydasında görünür. "Neftçi" ilə sabahkı oyuna 3:1 hesablı üstünlüklə başlayacağıq. Amma meydana çıxmadan qələbə qazanmaq olmur. Öz oyunumuzu sərgiləyib, mərhələni adlamaq istəyirik. Ümid edirəm ki, sabah maraqlı mübarizə olar".

Qeyd edək ki, avqustun 17-də keçiriləcək "Beşiktaş" - "Neftçi" görüşü Bakı vaxtı ilə saat 21:00-da başlayacaq.


Etiketlər:  Şenol Günəş Neftçi yaxşı saxlayan texnikalı komandadır


RƏYLƏR



Populyar Xəbərlər

XƏBƏR LENTİ