Aktual mövzular: Dollar alış-satışı, Neftin qiyməti, COP29, Hava proqnozu

Ronaldo dünya rekorduna imza atıb

Ronaldo dünya rekorduna imza atıb

Tarix: 31 Avqust 2023 07:38

Səudiyyə Ərəbistanının "Əl-Nəsr" klubunun portuqaliyalı hücumçusu milli liqalarda qol vurmaqda dünya rekorduna imza atıb.

Sonxeber.net APA-ya istinadən bildirir ki, bu barədə Beynəlxalq Futbol Tarixi və Statistikaları Federasiyasının (İFFHS) saytında məlumat verilib.

Ronaldo avqustun 29-da Səudiyyə Ərəbistanı çempionatında "Əş-Şəbab"a qarşı matçda milli liqalarda 517-ci qolunu vurub.

Onun 517 qolundan 3-ü Portuqaliya çempionatında (Sportinq), 103-ü İngiltərə Premyer Liqasında (EPL) (Mançester Yunayted), 311-i İspaniya çempionatında (Real), 81-i İtaliya çempionatında (Yuventus) vurulub.

Səudiyyə Ərəbistanı çempionatında isə 19 qol vurulub.

Məlumata görə, 38 yaşlı mütəxəssis avstriyalı Yozef Bikan və macar Ferens Puşkası (hər biri 515 qol) qabaqlayaraq rekorda imza atıb.

Qeyd olunur ki, milli liqalarda vurulan 500 qol həddinə cəmi 3 futbolçu çata bilib. Argentinalı Lionel Messinin hazırda 496 qolu var.


Etiketlər:  Ronaldo dünya rekorduna imza atıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ