Aktual mövzular: Dollar alış-satışı, Məzənnə, Neftin qiyməti

Fransa ev sahibliyi hüququndan məhrum edilə bilər

Tarix: 6 Sentyabr 2023 18:56

Ümumdünya Antidopinq Agentliyi (WADA) Fransa Antidopinq Agentliyini (AFLD) tənqid edib.

Milli.Az oxu.az-a istinadən bildirir ki, əgər Fransa tərəfi İdman Arbitraj Məhkəməsinin tələblərinə və məhkəmə təcrübəsinə açıq şəkildə zidd olan tendensiyasını davam etdirərsə, WADA işi daxili işçi qrupuna həvalə etmək və müvafiq tədbirlər görmək məcburiyyətində qalacaq.

WADA Fransanı xüsusən son üç dopinq yoxlamasında yol verdiyi nöqsanlara görə qınayıb və Parisi dopinq yoxlamalarına ciddi yanaşmamaqda ittiham edib.

Eyni zamanda, Fransa Antidopinq Agentliyindən bildirilib ki, WADA Fransa idmançılarının müəyyən beynəlxalq yarışlardan kənarlaşdırılması ilə nəticələnə biləcək prosedurlara başlamaqla hədələyib.
Fransa hətta 2024-cü il Olimpiya Oyunlarını keçirmək hüququndan məhrum edilə bilər.

Milli.Az

Whatsapp ilə göndər