Almaniya millisinin yeni kapitanı bəlli oldu

Tarix: 8 Sentyabr 2023 17:14

Futbol üzrə Almaniya millisinin yeni kapitanı bəlli olub.

Sonxeber.net report-a istinadən xəbər verir ki, bunu komandanın baş məşqçisi Hans-Diter Flik mətbuat konfransında açıqlayıb.

Mütəxəssis İspaniya "Barselona"sında çıxış edən İlkay Gündoğanın kapitan olacağını bildirib.

"Bavariya"dan Jozua Kimmix isə vitse-kapitan təyin edilib. Flik seçimdən razı qaldığını söyləyib və bu qərarın onlara əlavə enerji verəcəyini vurğulayıb.

Almaniya millisinin sabiq kapitanı Manuel Noyer zədə səbəbindən uzun müddət yaşıl meydanlardan kənarda qalıb.

Qeyd edək ki, İlkay Gündoğan yayda İngiltərə "Mançester Siti"sindən Kataloniya klubuna keçib. Türkəsilli oyunçunun sözləşməsi 2025-ci ilə qədər nəzərdə tutulub.