Aktual mövzular: Dollar alış-satışı, Məzənnə, Neftin qiyməti

Putindən nüvə mesajı: Vaxt verildi

Putindən nüvə mesajı: Vaxt verildi

Tarix: 10 Oktyabr 2023 16:26

Rusiya hökuməti Nüvə Sınaqlarının Qadağası Müqaviləsinin ratifikasiyasını geri götürmək üçün hərəkətə keçib.

Milli.Az teleqraf.com-a istinadən bildirir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.

Rusiya Dövlət Dumasının rəhbərliyi bu qurumun Beynəlxalq Məsələlər üzrə Komitəsinə müqavilənin ratifikasiyasını geri götürmək prosesini müzakirə etmək üçün oktyabrın 18-dək vaxt verib. Rusiya Prezidenti Vladimir Putin ilk dəfə oktyabrın 5-də ratifikasiyanın geri götürülməsi ehtimalı barədə danışıb.

"Kreml ABŞ və müttəfiqlərini Ukraynanı dialoq masasına gətirmək məqsədilə Kiyevə təzyiq etməyə təşviq etmək üçün nüvə ritorikasından istifadə edir. Bununla belə, Rusiyanın Ukraynada nüvə silahından istifadə ehtimalı azdır", - təhlildə deyilir."Röyter"in bundan əvvəlki iddiasına görə, Rusiya praktiki nüvə sınaqlarına hazırlaşır. Məqsəd Qərbi qorxutmaq və Kremlin qətiyyətini nümayiş etdirmək ola bilər.

Eyni zamanda, ekspertlərin fikrincə, Moskvanın nüvə sınaqlarına əl atacağı ehtimalı azdır, çünki belə bir addım çox ciddi eskalasiya olardı.

Milli.Az


Etiketlər:  Putindən nüvə mesajı Vaxt verildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ