Aktual mövzular: Dollar alış-satışı, Məzənnə, Neftin qiyməti

"Axır ki, vurduğum qollardan sonra sevinə bildik"

Tarix: 17 Noyabr 2023 00:22

"Biz çox yaxşı hazırlaşmışdıq. İstəyirdik azarkeşlərimizi sevindirək. Çünki uzun müddət idi evdə qələbə qazana bilmirdik".

Milli.Az publika.az-a istinadən xəbər verir ki,bu sözləri futbol üzrə milli komandamızın kapitanı Emin Mahmudov İsveç üzərində qazanılan qələbədən sonra (3:0) deyib.

Mahmudov erkən vurulan qolların onlara rahatlıq verdiyini bildirib.

"İlk hücumlarda yaxşı oynadıq. İstəyirdik ki, ev sahibi olduğumuzu göstərək. Rəqibi əks-hücumlarda tutduq. Ələ düşən imkanları qaçırmaq və hesabda geri düşmək istəmirdik. Vurulan qollar, bizə rahatlıq verdi. İsveç çox yaxşı komandadır. Amma biz öz oyunumuzu göstərərək yaxşı qələbə qazandıq. Bu qələbə münasibətiylə azarkeşlərimizi təbrik etmək istəyirəm. Onlar bu gün bizə möhtəşəm dəstək verdilər".

O, millidəki qollarını sayını 13-ə çatdırmaqla bombardir Qurban Qurbanova (14 qol) yaxınlaşmasından da danışıb:

"Çalışacam ki, qollar vurum. Vurulan qollar qələbə gətirəndə daha yaxşı olur. Axır ki, vurduğum qollardan sonra qələbə qazanıb sevinə bildik. Çox vaxt qol vurduqdan sonra qalib gələ bilmirdik".

Milli.Az


Etiketlər:  Axır ki vurduğum qollardan sonra sevinə bildik


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ