Aktual mövzular: Dollar alış-satışı, Məzənnə, Neftin qiyməti

Ustalar məşhur müğənninin evini bərbad hala saldı

Ustalar məşhur müğənninin evini bərbad hala saldı

Tarix: 5 Dekabr 2023 08:20

Müğənni Vüqar Muradov evində təmir işləri həyata keçirən ustalardan şikayətçidir.

Milli.Az İqtisadiyyat.az-a istinadən xəbər verir ki, sənətçi Rasim və Cəlal adlı ustaların onun evini bərbad vəziyyətə saldığını iddia edib.

O, ustaların onun evinə 3-4 min manat civarında zərər vurduğunu söyləyib.

Müğənni qeyd edib ki, hər iki usta evi yararsız təmir etsə də, sonradan bərpa edəcəklərinə söz verdikləri üçün işlərini davam etdirmələrinə razılıq verib.

O, bu razılıq qənaətinə isə humanistliyindən gəldiyini bildirib.

Amma onlar bərpa işlərini yerinə yetirmədən gedib və müğənniyə əlavə olaraq 810 manat da borclu qalıblar.

Ustalar pulu qaytaracaqlarına söz versələr də iki aydır müğənninin telefon zənglərinə cavab vermirlər.

V.Muradov buna görə hüquq-mühafizə orqanlarından kömək istədiyini açıqlayıb.

Xatırladaq ki, daha əvvəllər də müğənninin başına analoji hadisə gəlib. İki il öncə onun evinə gələn kombi ustası 3500 manatını oğurlayıb.

O, həmin vaxt polisə müraciətindən sonra oğru tapılıb və onun pulu geri qaytarılıb.

Milli.Az


Etiketlər:  Ustalar məşhur müğənninin evini bərbad hala saldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ