HammAli və Navai pərəstişkarlarını qəzəbləndirdi

Tarix: 6 Dekabr 2023 02:50

Dekabrın 10-da Volqoqradda məşhur "HammAli & Navai" rep qrupunun (Aleksandr Əliyev və Nəvai Bəkirov) konserti planlaşdırılırdı.

Sonxeber.net axşam.az-a istinadən xəbər verir ki, "Krop Arena"da planlaşdırılan gecə təxirə salınıb. Gecəyə biletlərin çox hissəsi isə satılıb. 

Bir gün əvvəl isə konsertin afişası yığışdırılıb. Məkanın sahibləri isə Navai və HammAlinin çıxış etməyəcəyini deyib. Bunun səbəbi isə açıqlanmayıb.

"Hörmətli HammAli & Navai qrupunun pərəstişkarları, bizdən asılı olmayan vəziyyətlərə görə biz Volqoqraddakı konserti ləğv etmək məcburiyyətindəyik" deyə təşkilatçı açıqlamada qeyd edib.

İfaçılar özləri də gecənin təxirə salınmasının səbəbini açıqlamayıblar. Bu isə onların fanatlarının qəzəbinə səbəb olub.