Aktual mövzular: Dollar alış-satışı, Neftin qiyməti, COP29, Hava proqnozu

''Qırmızı adam'' Faiqi bu suala görə döymək istəyiblər - Özü danışdı

''Qırmızı adam'' Faiqi bu suala görə döymək istəyiblər - Özü danışdı

Tarix: 11 Dekabr 2023 13:35

"Youtube"də çəkdiyi "Qırmızı adam" verilişi ilə məşhurlaşan aparıcı və aktyor Faiq Erolun döyülməsi ilə bağlı görüntülər yayılıb.

Sonxeber.net xəbər verir ki, məsələ ilə bağlı azxeber.com-a açıqlama verən Faiq Erol böyüdüləcək bir məsələnin olmadığını, konfliktin sadəcə  yanlış anlaşılma səbəbindən baş verdiyini deyib:

"Dünən "Neftçilər" metrosu ərazisində verilişim üçün çəkiliş aparırdım. Bir kişiyə yaxınlaşıb sualımı ünvanladım. Sual da bundan ibarət idi ki, "Üzünüzdən nə yağır?". Bir yaşlı kişi cavab verdi ki, "Üzümdən zəhrimar yağır". Mən ondan aralaşdım. Heç beş dəqiqə keçməmiş həmin şəxs yenidən mənə yaxınlaşıb problem yaratmağa başladı. Mən də ona bildirdim ki, narazı idinizsə, cavab verməzdiniz. Bu an aramızda anlaşılmazlıq yaşandı və biz əlbəyaxa olduq".

Aparıcı görüntüləri kimin yaydığını bilmədiyini və xəsarət almadığını bildirib:

"Orada hamı başladı telefonla çəkməyə. Cavan uşaqlar idi. Amma kim yayıb görüntüləri, heç bir məlumatım yoxdur. Nə hansısa bir xəsarət almışam, nə də polisə məlumat vermişəm. Çünki buna səbəb yoxdur".


Etiketlər:  Qırmızı adam Faiqi suala görə döymək istəyiblər Özü danışdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ