Aktual mövzular: Dollar alış-satışı, Neftin qiyməti, COP29, Hava proqnozu

Braziliyalı futbolçu qaçırıldıqdan sonra sərbəst buraxıldı

Braziliyalı futbolçu qaçırıldıqdan sonra sərbəst buraxıldı

Tarix: 19 Dekabr 2023 07:12

Braziliya və İspaniyanın "Valensiya" komandasının keçmiş futbolçusu Marselinyo Karioka konsertdə qaçırıldıqdan sonra mülki polis tərəfindən sərbəst buraxılıb. 

Sonxeber.net unikal.az-a istinadən xəbər verir ki, futbolçu dekabrın 17-də yoxa çıxıb. Mətbuat onun konserti bir qadınla tərk etdiyini iddia edib. Daha sonra onun avtomobili hadisə yerindən 25 km aralıda tapılıb. Bundan sonra cinayətkarlar futbolçunun ailəsi ilə əlaqə saxlayıblar. Onlar futbolçunun sərbəst buraxılması üçün 18 min dollar tələb ediblər.

Bazar ertəsi səhər iki kişi bu işlə əlaqədə şübhəli bilinərək həbs edilib. Sosial şəbəkələrdə yayımlanan videomüraciətində Karioka konsertdə münasibət qurduğu qadının ərinin adam oğurluğunda əli olduğunu bildirib.

Kariokanın indi 52 yaşı var. O, 2009-cu ildə yerli Santo André klubunda çıxış edərək təqaüdə çıxıb. Avropada o, "Valensiya" və Fransanın "Ajaccio" komandasındakı çıxışları ilə tanınır. 1998-2001-ci illərdə futbolçu Braziliya millisində dörd oyun keçirib.


Etiketlər:  Braziliyalı futbolçu qaçırıldıqdan sonra sərbəst buraxıldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ