Aktual mövzular: Dollar alış-satışı, Neftin qiyməti, COP29, Hava proqnozu

Təyyarədən düşən telefonu salamat tapdı - FOTOlar

Tarix: 9 Yanvar 2024 21:22

Xəbər verdiyimiz kimi, bir neçə gün əvvəl ABŞ-nin "Alaska Airlines" aviaşirkətinə məxsus sərnişin təyyarəsinin uçuş zamanı illuminatoru və böyük bir hissəsi qopub. Hadisə zamanı Portlenddən Ontarioya uçan bu təyyarənin göyərtəsində 177 sərnişin olub. İnsident zamanı xəsarət alan olmasa da, güclü küləyin təsirindən sərnişinlərdən birinin telefonu təyyarədən düşüb.

Sonxeber.net qafqazinfo-ya istinadən xəbər verir ki, hadisənin baş verdiyi Oreqon ştatında sakinlərdən biri 16 000 fut (təqribən 5 min metr) hündürlükdən düşən telefonu aşkar edib.

O, telefonu gəzinti zamanı yolun kənarında ideal vəziyyətdə tapdığını bildirib. O, telefonun görüntülərini və üzərində "Alaska Airlines"dan gələn mesajı sosial şəbəkə hesabında paylaşıb.

Bunun təyyarədən düşən və aşkar olunan 2-ci telefon olduğu da iddia edilir.