Aktual mövzular: Dollar alış-satışı, Məzənnə, Neftin qiyməti

Ekvadorda cinayətkar dəstənin 329 üzvü saxlanıb, daha 5 nəfər öldürülüb

Ekvadorda cinayətkar dəstənin 329 üzvü saxlanıb, daha 5 nəfər öldürülüb

Tarix: 11 Yanvar 2024 08:12

Ekvador hərbçiləri və polis əməkdaşları ölkədə silahlı iğtişaşların başlanmasından sonra cinayətkar dəstənin 329 üzvünü saxlayıb, daha 5 nəfəri öldürüblər.

Milli.Az report.az-a istinadən xəbər verir ki, bunu ölkənin silahlı qüvvələrinin birgə komandanlığının rəhbəri Xayme Vela Eraso deyib.

Onun sözlərinə görə, əməliyyatlar nəticəsində 61 müxtəlif çaplı silah, 418 patron, 24 partlayıcı qurğu ələ keçirilib, 41 nəfər əsirlikdən xilas edilib.

Komandanlıq rəisi qeyd edib ki, üç silahlı cinayətkar qrupla toqquşmadan sonra təhlükəsizlik qüvvələri qaçan 28 məhbusu həbsxanaya qaytarıb.

Vela Eraso əlavə edib ki, iğtişaşların baş verdiyi həbsxanalarda ölən girovlar olmayıb. Rəsmilərin bildirdiyinə görə, Ekvador həbsxanalarında azı 139 nəfər silahlı dəstə üzvləri tərəfindən girov saxlanılır.

Milli.Az


Etiketlər:  Ekvadorda cinayətkar dəstənin 329 üzvü saxlanıb daha 5 nəfər öldürülüb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ