Aktual mövzular: Dollar alış-satışı, Məzənnə, Neftin qiyməti

Azərbaycan cüdoçuları Qran-prinin ilk günündə üç medal qazanıblar

Tarix: 27 Yanvar 2024 06:18

Portuqaliyanın Odivelaş şəhərində cüdo üzrə Qran-pri yarışına start verilib.

Milli.Az xəbər verir ki, ilk gündə Azərbaycan millisinin doqquz cüdoçusu mübarizə aparıb.

Onlardan üçü mükafatçılar sırasına düşüb. Turan Bayramov (60 kq) yarımfinalda məğlub olsa da, turniri bürünc medalla tamamlamağı bacarıb.

66 kq çəkidə isə Azərbaycanın iki üzvü fəxri kürsüyə çıxıb. Yaşar Nəcəfov (66 kq) finalda Beynəlxalq Cüdo Federasiyası bayrağı altında çıxış edən Yaqo Abuladzeyə uduzaraq, gümüş medala yiyələnib. Kamran Süleymanov isə bürünc mükafatçı olub.
Digər cüdoçular Balabəy Ağayev (60 kq), Könül Əliyeva (48 kq), Aydan Vəliyeva, Gültac Məmmədəliyeva (hər ikisi 52 kq), Fidan Əlizadə və Açeliya Toprak (hər ikisi 57 kq) medal qazana bilməyiblər.

Qeyd edək ki, yarış yanvarın 28-də başa çatacaq. Azərbaycan yığması Qran-priyə 16 cüdoçu ilə yollanıb.

Milli.Az

Whatsapp ilə göndər