Ağ Şəhərdə növbəti yaşıllıq zonası yaradılır (FOTO)

Tarix: 15 Noyabr 2019 15:28

Bakı. Trend:

Bakı Ağ Şəhər layihəsində mövcud yaşıllıqların və parkların bərpası ilə yanaşı yeni yaşıllaşdırılmış istirahət zonalarının yaradılır.

Trend-in məlumatına görə, son illər ərzində Ağ Şəhərdə salınmış bağlar, Fəvvarələr Meydanı Parkı, piyada zolaqlarında minlərlə dekorativ və meyvə ağacları, kollar əkilmişdir. Hazırda Park kvartalının 20-mərtəbəli binalarıyla Nizami parkının sərhədində yaşıllıq məkanı salınır – çinar, zeytun, palma, şam ağacları, sərv və çox sayda digər ağaclar əkilir, ağacların əhatəsində skamyalar quraşdırılır.

Ərazinin tarixi olaraq burada XIX əsrdə dünyanın ən qabaqcıl ağ neftin təmizlənməsi qurğuları, XIX əsrin sonları - XX əsrin əvvəllərində neft çənləri və rezervuarlarını əhatə edən istinad divarı və 1890-1940-cı illərdə əhaliyə təmiz suyun paylanmasını təmin edən su pavilyonu bərpa edilib, landşafta uyğunlaşdırılmışdır. Yaşıllaşdırılmış istirahət zonasından istinad divarı boyunca Olimpiya kvartalı istiqamətində xüsusi dizaynlı piyada keçidi tikilib. İstirahət zonasında quraşdırılacaq Bakı Ağ Şəhər və parka giriş kompozisiyası sakin və qonaqların fotolarında əbədiləşdiriləcək.

Trend-in ən mühüm və maraqlı xəbərlərini "Telegram"da izləyin