Miri Yusif xanımının çoxdankı arzusunu gerçəkləşdirdi – VİDEO

Tarix: 27 Fevral 2024 16:25

Xalq artisti Miri Yusif həyat yoldaşı Nərgiz Mirbabayevaya gözlənilməz sürpriz edib. 

Sonxeber.net bizim.media-ya istinadən bildirir ki, sənətçi xanımına qara rəngli it hədiyyə edib. 

Həmin anları sosial şəbəkə hesabında paylaşan Nərgiz sevinc hisslərini bu sözlərlə dilə gətirib: 

"Bu gün həyat yoldaşım mənim bir arzumu yerinə yetirdi. Çoxdandır, it sahiblənmək istəyirdim. Mişel (itin adı -red.), evinə xoş gəldin". 

Daha sonra Nərgiz qızı və kiçik oğlu ilə Mişelin tanışlıq videosunu çəkərək, izləyiciləri ilə bölüşüb. Görüntülərdə sənətçinin qızı iti görər-görməz sevincdən kövrəlib. 

Qeyd edək ki, Miri Yusifin həyat yoldaşı Nərgiz xanım və üç övladı uzun müddətdir ki, Türkiyənin İzmir şəhərində yaşayır. Ailə pandemiya zamanı Vətəndən İzmirə köçüb.