Aktual mövzular: Dollar alış-satışı, Məzənnə, Neftin qiyməti

Antalya Diplomatiya Forumunun ikinci günü keçirilir

Tarix: 2 Mart 2024 13:16

Türkiyənin Antalya şəhərində təşkil olunan III Diplomatiya Forumu davam edir.

Milli.Az report-a istinadən xəbər verir ki, tədbirin ikinci günü "Avrasiyada yeni əməkdaşlıq dinamikaları", "Enerji təhlükəsizliyində dəyişən paradiqmalar", "Terrorla mübarizədə yeni sınaqlar", "Aerokosmik diplomatiya: Yeni fürsətləri kəşf etmək", "Sahil: Təhlükəsizlik risklərindən qalıcı sülhə", "Avropa təhlükəsizlik memarlığının gələcəyi" kimi bir çox mövzu müzakirə olunacaq.

Türkiyənin birinci xanımı Əminə Ərdoğanın rəhbərliyi ilə "Yüksək mövqeli qadın, sülh və təhlükəsizlik" mövzusunda panel iclasları təşkil olunacaq.

Ölkəmizi tədbirdə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, xarici işlər naziri Ceyhun Bayramov və Yeni Azərbaycan Partiyası (YAP) Sədrinin müavini - Mərkəzi Aparatın rəhbəri Tahir Budaqovun rəhbərlik etdikləri nümayəndə heyətləri təmsil edir.

Milli.Az

Whatsapp ilə göndər