Aktual mövzular: Dollar alış-satışı, Məzənnə, Neftin qiyməti
Tarix: 7 Mart 2024 07:06
Sakit okeanda Meksika Hərbi Dəniz Qüvvələrinə məxsus helikopterin qəzaya uğraması üç hərbi qulluqçunun ölümü, ikisinin itkin düşməsi ilə sonuclanıb.
Milli.Az report-a istinadən xəbər verir ki, bu barədə HDQ-nin press-relizində bildirilib.
Qeyd olunub ki, insident Lasaro-Kardenasadan (Miçoakan ştatı) 370 km cənub-qərbdə baş verib. Helikopterin göyərtəsində ümumilikdə səkkiz nəfər olub ki, onlardan üçü qurtarılıb.
Hadisənin səbəbi hələlik müəyyən edilməyib.
Xatırladaq ki, ötən ay Kolumbiyada helikopter qəzasında dörd polis əməkdaşı ölmüşdü.
Milli.Az