“Putin həmin gecə yatmayıb”

Tarix: 28 Mart 2024 10:44

"Rusiya Prezidenti Vladimir Putin "Crocus City Hall"da törədilən terror aktından sonra gecəni səhərə qədər yuxusuz keçirib".

Sonxeber.net qafqazinfo-ya istinadən xəbər verir ki, bunu jurnalist Pavel Zarubinə müsahibəsində Kremlin rəsmi sözçüsü Dmitri Peskov deyib. 

Onun sözlərinə görə, Putin həmin gecə səhərə qədər işləyib və hadisə ilə bağlı müxtəlif qurumların rəhbərlərindən hesabat qəbul edib: "Bu cür anlarda heç kəs, xüsusən də, dövlət başçısı yuxu barədə düşünmür".

Xatırladaq ki, martın 22-də Moskvada "Crocus City Hall" ticarət mərkəzində terror aktı törədilib. Son məlumata görə, hadisə nəticəsində 143 nəfər həlak olub, 300-dən çox insan isə yaralanıb. Hadisədən bir gün sonra Putin xalqa müraciət edib.