Bakıda məktəbdə DƏHŞƏT: 7-ci sinifdə oxuyan qız... - YENİLƏNİB - VİDEO

Tarix: 2 Aprel 2024 11:52

11:49

Aprel ayının 1-də 23 nömrəli tam orta məktəbdə tənəffüs zamanı şagirdlər arasında insident yaranıb.

Sonxeber.net xəbər verir ki, bu barədə Məktəbəqədər və Ümumtəhsil üzrə Dövlət Agentliyindən APA-nın sorğusuna cavab olaraq bildirilib.

Qeyd edilib ki, məktəb rəhbərliyi hadisəyə dərhal müdaxilə edib, məsələ ilə bağlı Nəsimi Rayon Polis İdarəsinə, digər müvafiq qurumlara, eyni zamanda şagirdlərin valideynlərinə məlumat verilib və məktəbə çağırılıblar:

"Baş vermiş hadisə Agentliyin nəzarətində saxlanılır. Agentliyin, eyni zamanda Uşaqların Müdafiəsi İdarəsinin əməkdaşları da məktəbdə olublar. Qeyd edək ki, zərərçəkmiş şagirdə ilkin tibbi-yardım göstərilib və evə buraxılıb. Hazırda şagirdin səhhətində hər hansı təhlükə riski yoxdur. Şagirdin fiziki və psixoloji durumu məktəb rəhbərliyi və Agentlik tərəfindən izlənilir.

Qeyd olunanlarla yanaşı, stressin idarə olunması, sağlam psixoloji mühitin bərpasını təmin etmək üçün Təlimə Dəstək Mərkəzinin və "Məktəblinin dostu"nun psixoloqları da təhsil müəssisəsindədirlər. Şagirdlərlə bu istiqamətdə müvafiq intensiv iş aparılır.

Bir daha qeyd edək ki, Agentlik, məktəb rəhbərliyi və hüquq-mühafizə orqanları tərəfindən mövcud qaydalar çərçivəsində lazımi tədbirlər görülür, məsələ ilə bağlı araşdırma aparılır. Araşdırmanın nəticələri aidiyyəti qurumlar tərəfindən ictimaiyyətə veriləcək.
Uşaqların yeniyetməlik dövru olduğunu, araşdırma prosesinin davam etdiyini nəzərə alaraq ictimaiyyətdən də bu mövzuda daha həssas davranmalarını, paylaşımlarda rəsmi qurumların açıqlamalarına istinad etməyi xahiş edirik" - məlumatda qeyd edilib.

---------

10:28

Bakıda yerləşən 23 saylı məktəbdə 7-ci sinif şagirdi olan qız sinif yoldaşı olan oğlanı bıçaqlayıb. 

Sonxeber.net bizim.media-ya istinadən bildirir ki, qız oğlana boğaz nahiyyəsindən xəsarət yetirib.

Bu hadisə övladları həmin məktəbdə təhsil alan valideynlərin narahatlığına səbəb olub.

Valideynlərin sözlərinə görə, hadisəyə səbəb onlar arasında yaranan mübahisə olub.

Valideynlərin əksəriyyəti mikrofona danışmaqdan imtina etslərə də, şifahi olaraq narahatlıqlarını dilə gətirdilər. Lakin hələlik məktəbdən valideynlərə heç bir dəqiq informasiya verilməyib.

Məsələyə Məktəbəqədər və Ümumi Təhsil üzrə Dövlət Agentliyi münasibət bildirib.

Agentlikdən qeyd olunub ki, hadisə ilə bağlı məlumatlıdırlar. Agentliyin, eyni zamanda Elm və Təhsil Nazirliyinin Uşaqların Müdafiəsi İdarəsinin əməkdaşları da həmin təhsil müəssisəsində olublar.

Daxili İşlər Nazirliyindən isə bildirilib ki, faktla bağlı araşdırma aparılır. Nəticə barədə ictimaiyyətə məlumat veriləcək.