İrəvan və Bakı “silah diplomatiyası”na qayıdır? - Strokan

Tarix: 8 Aprel 2024 13:40

Ermənistanla Azərbaycanın şərti sərhədində silsilə atışma baş verib. İrəvan və Bakının bir-birini ittiham etdiyi yeni gərginlik ABŞ-AB-Ermənistan formatında danışıqlar prosesi fonunda baş verib. Brüsseldə keçirilən görüşün mövzularından biri Cənubi Qafqazda sülh prosesi olub. Moskva və Bakı bu təmasları İkinci Qarabağ müharibəsindən sonra yaradılmış Rusiya-Ermənistan-Azərbaycan danışıqlar mexanizminin dağıdılması, İrəvanın Qərbin hərbi forpostuna çevrilməsi istiqamətində ilk addım hesab edir.

Milli.Az axar.az-a istinadən bildirir ki, bunu rusiyalı siyasi şərhçi Sergey Strokan deyib.

"Vəziyyətin gərginləşməsi ilə bağlı diplomatik idarələr də bəyanatlarla çıxış edərək sülh prosesinin ciddi maneələrlə üzləşdiyini təsdiqləyiblər. Sərhəddə atışma Blinken, fon der Leyen, Borrel və Paşinyanın iştirak etdiyi ABŞ-AB-Ermənistan üçtərəfli görüşü zamanı başlayıb. Brüssel görüşü əvvəlcə həm Moskvanın, həm də Bakının kəskin mənfi reaksiyasına səbəb oldu. Azərbaycan burada Qərbin Cənubi Qafqazın gələcəyi və regional təhlükəsizliyin təmin edilməsi ilə bağlı İrəvanla onun arxasında danışıqlara başlamaq cəhdini görür. Öz növbəsində Moskva Brüssel görüşünə Cənubi Qafqazı yeni geosiyasi qarşıdurmaya sürükləmək cəhdi kimi qiymətləndirir", - o bildirib.

Milli.Az