''Real''ın ÇL-dəki qəhrəmanı bu tiktokerlə eşq yaşayır - FOTOlar

Tarix: 18 Aprel 2024 18:32

Ötən gün "Real" UEFA Çempionlar Liqasında növbəti oyununu keçirdi. "Kral klubu" ilk oyunda 3:3 hesablı heç-heçə etdiyi "Mançester Siti"nin qonağı oldu. Bu görüşün əsas və əlavəv vaxtlarında da (1:1) qalib müəyyənləşmədi. Cütün taleyinə penaltilər seriyasında aydınlıq gəldi. 11 metrlik zərbələlərdə madridlilər daha dəqiq oldu - 4:3.

Sonxeber.net publika.az-a istinadən xəbər verir ki, "Real"ın görüşdəki yeganə qolunun müəllifi Rodriqo oldu. Ançelottinin əsas kartlarından biri hesab edilir. Braziliyalı forvard çempionatda o qədər də parlaq çıxış etmir. Lakin Çempionlar Liqasında komandası üçün olduqca faydalıdır.

Bu mövsüm Rodriqo bütün turnirlərdə 17 qol və 6 asistlə yadda qalıb. ÇL-də isə 10 oyunda 5 dəfə fərqlənib və 2 məhsuldar ötürmə edib.

Rodriqo meydandan kənar həyatı ilə də gündəmə gəlməyi bacarır. O, əkiz oğul böyüdür. Eyni zamanda braziliyalı tiktoker Bruna Rotta ilə görüşür. O, uşaqlarının anası deyil.

Sarışın gözəl 25 yaşında qısa videolar sayəsində məşhurlaşıb. Ümumilikdə onun 3 milyondan çox abunəçisi var. O, idman zalındakı gündəlik həyat haqqında hekayələr çəkir və bir sıra məsələlərdə məsləhətlər verir.

2023-cü ilə qədər Bruna 2 il sörfçü Edson Juniorla görüşürdü. Ötən il Madridə - Rodriqonun yanına köçüb. Buna qədər Bruna Rioda yaşayırdı.