Aktual mövzular: Dollar alış-satışı, Məzənnə, Neftin qiyməti

İsveçrə prezidenti Putinə məktub yazdı

İsveçrə prezidenti Putinə məktub yazdı

Tarix: 22 Aprel 2024 00:22

İsveçrə Prezidenti Viola Amherd rusiyalı həmkarı Vladimir Putinə məktub göndərib.

Milli.Az axar.az-a istinadən xəbər verir ki, bu barədə "Blick" məlumat yayıb.

Ölkənin Müdafiə Nazirliyinə istinadən bildirilir ki, məktub Vladimir Putinin yenidən Rusiya prezidenti seçilməsindən sonra göndərilib və orada onun yeni səlahiyyət müddəti nəzərə alınmaqla bir neçə mövzuya toxunulub.

Qurumun mətbuat katibi Lorents Frişknext qeyd edib ki, İsveçrə prezidentinin məktubunda "Krokus"da terror aktı və daşqın qurbanlarının yaxınlarına başsağlığı verilib.

Məktub çətin vaxtlarda dialoqa çağırış kimi qiymətləndirilib:

"Prezident məktubda İsveçrənin mövqeyini izah edib və vurğulayıb ki, beynəlxalq hüquqa, insan hüquqlarına, habelə BMT-nin Nizamnaməsində təsbit olunmuş universal prinsiplərə hörmət sülh və firavanlığa nail olmaq üçün kompas olmalıdır".

Milli.Az


Etiketlər:  İsveçrə prezidenti Putinə məktub yazdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ