Aktual mövzular: Dollar alış-satışı, Neftin qiyməti, COP29, Hava proqnozu

ABŞ İsrailə silah göndərmir, təzyiq edir - ''Politiko''

Tarix: 8 May 2024 08:36

ABŞ Prezidenti Co Baydenin administrasiyası İsrailə siyasi mesaj göndərmək məqsədilə yüksək dəqiqlikli bombaların çatdırılmasını gecikdirir.

Sonxeber.net axar.az-a istinadən xəbər verir ki, bu barədə "Politiko" qəzeti mənbələrə istinadən məlumat yayıb.

Məlumata görə, ABŞ səlahiyyətliləri yəhudi dövlətinə peyklə idarə olunan yüksək dəqiqlikli bombaların, JDAM komplekslərinin satışını hələ təsdiq etməyiblər.

Bildirilib ki, Vaşinqton administrasiyası potensial satışdan imtina etmir, lakin İsrailə siqnal göndərmək üçün silahların ötürülməsi prosesinin təsdiqlənməsini və digər aspektlərini gecikdirir.

Belə ki, demokrat Bayden İsrailə silah göndərməzdən əvvəl şərtlərin qoyulmasını tələb edən bəzi partiya üzvlərinin təzyiqi altındadır.

"Röyters"in iddiasına görə, ABŞ ən azı iki həftədir ki, tədarükü saxlayır.

Whatsapp ilə göndər