Yüksək vəzifəli polis bu əməllərinə görə HƏBS OLUNDU

Tarix: 9 May 2024 13:34

Rusiya Federasiyası Daxili İşlər Nazirliyinin Ryazan vilayəti üzrə cinayət axtarış idarəsinin rəis müavini Vitali Tsıplakov iki ay müddətinə həbs edilib. 

Sonxeber.net lent.az-a istinadən bildirir ki, bu barədə Ryazanın Sovetski Rayon Məhkəməsi qərar verib.

Məlumata görə, həmin şəxs qanunsuz ov etməkdə və bu zaman mühafizəçilərdən birini öldürməkdə ittiham olunur. Hüquq-mühafizə orqanının əməkdaşı günahını etiraf etməyib. Tsıplakov heç bir qanun pozuntusu törətmədiyini deyib. Eyni zamanda polis zabiti onu müşayiət edən ovçulardan heç birinə xəbərdarlıq etmədən naməlum istiqamətə gedib.

Qeyd olunur ki, iş üzrə məhkəmə iclası üç saata yaxın davam edib. Müdafiə tərəfi hakimdən polis əməkdaşının həbsdə saxlanılmasını nəzərdə tutmayan qabaqlayıcı tədbir seçməyi xahiş edib. Buna baxmayaraq, məhkəmə həmin şəxsin iki ay müddətinə həbs edilməsinə qərar verib.

Bundan az əvvəl həmin rayon məhkəməsi keçmiş polis zabiti Stanislav Kostini iki aylıq həbs-qətimkan tədbirinə göndərib.

Jurnalistlər onun qanunsuz ovçuluqda və cinayəti gizlətməkdə də ittiham olunduğunu öyrəniblər. İstintaqın məlumatına görə, 2024-cü il fevralın 24-də Kostin və Tsıplakov Sobçakovo kəndi ərazisində qanunsuz ovda iştirak ediblər.

Ümumilikdə, 8 nəfərlik ovçu dəstə qar arabaları ilə meşəyə girib və sonra ovla geri qayıdıblar. Amma ovdan sonra ovçu kimi onlara qoşulan yerli sakinlərdən biri, Sergey Pentelin yoxa çıxıb.

Bir müddət sonra hüquq-mühafizə orqanlarının əməkdaşları həmin şəxsin itkin düşməsi ilə bağlı cinayət işi açıb. Lakin ov iştirakçılarının sözlərinə görə, ovçu özü harasa gedib və bu barədə qrupun qalan üzvlərinə heç nə deməyib.

Həbs olunanların heç biri təqsirini etiraf etmir və müdafiə tərəfi itkin düşmüş ovçunun meyitinin hələ də tapılmamasına xüsusi diqqət yetirir.