Aktual mövzular: Dollar alış-satışı, Neftin qiyməti, COP29, Hava proqnozu

Əgər bu ölkə Ukraynaya silah ötürsə… - Putin

Əgər bu ölkə Ukraynaya silah ötürsə… - Putin

Tarix: 20 Iyun 2024 22:50

Əgər Cənubi Koreya Ukraynaya silah tədarük etməyə başlasa, Rusiya cavab tədbirləri görəcək.

Sonxeber.net axar.az-a istinadən xəbər verir ki, bu sözləri Rusiya lideri Vladimir Putin deyib.

"Əgər bu baş verərsə, o zaman biz də müvafiq qərarlar qəbul edəcəyik və inanmıram bu qərarlar Cənubi Koreyanın hazırkı rəhbərliyinin xoşuna gəlsin", - Putin Hanoyda mətbuat konfransında bildirib.

Putin qeyd edib ki, Cənubi Koreyanın Moskva-Pxenyan sazişindən narahat olması üçün heç bir əsas yoxdur:

"Çünki imzalanmış saziş yalnız sazişin tərəflərindən birinə qarşı təcavüz halında yardım nəzərdə tutur. Bildiyimə görə, Koreya Respublikası KXDR-ə qarşı təcavüz planlaşdırmır, bu o deməkdir ki, bizim bu sahədə əməkdaşlığımızdan qorxmaq lazım deyil".

Qeyd edək ki, Rusiya və Şimali Koreya arasında Hərtərəfli Strateji Tərəfdaşlıq sazişi imzalanıb. Cənubi Koreya isə bundan sonra Ukraynaya ölümcül silahların verilməsi imkanlarına yenidən baxmağı planlaşdırdığını açıqlayıb.


Etiketlər:  Əgər ölkə Ukraynaya silah ötürsə Putin


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ