Aktual mövzular: Dollar alış-satışı, Neftin qiyməti, COP29, Hava proqnozu

Səfirliyimizə qarşı təxribata çağıran Robinson həbs edildi

Səfirliyimizə qarşı təxribata çağıran Robinson həbs edildi

Tarix: 29 Iyul 2024 11:34

Azərbaycanın Böyük Britaniyadakı Səfirliyinə qarşı dəfələrlə təxribat və aksiyaya çağıran britaniyalı jurnalist Tommi Robinson həbs edilib.

Sonxeber.net qafqazinfo-ya istinadən xəbər verir ki, bu barədə onun "X" hesabında məlumat verilib.

Britaniyanın ən tanınmış sağçı fəallarından olan 41 yaşlı jurnalist terrorçuluq ittihamı ilə həbs edilib.

"The Guardian"ın məlumatına görə, o, Londonun mərkəzində böyük nümayiş təşkil etdikdən bir gün sonra Kent qraflığında həbs olunub. Bildirilir ki, Robinsonun təşkil etdiyi tədbir çərçivəsində şənbə günü minlərlə insan şəhərdə yürüş keçirib.

Qeyd edək ki, əsl adı Stiven Yaksli-Lennon olan Tommi Robinson dəfələrlə Azərbaycanın Böyük Britaniyadakı Səfirliyinə qarşı təxribata çağırıb, yerli erməni və ermənipərəst təşkilatları dəstəkləyib. O bu ilin mayın 25-də Londonda yaşayan islamafob və irqçi qüvvələrin "Holland Park" ərazisində yerləşən Azərbaycanın Londondakı Səfirliyinin binası qarşısında keçirdiyi aksiyalara dəstək olub, öz tərəfdarlarını bu akiyalarda iştirak etməyə çağırıb.


Etiketlər:  Səfirliyimizə qarşı təxribata çağıran Robinson həbs edildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ