Aktual mövzular: Dollar alış-satışı, Neftin qiyməti, COP29, Hava proqnozu

Erməni güləşçidən rüsvayçı hərəkət: Hidayətə bax! - VİDEO - FOTO

Tarix: 7 Avqust 2024 13:28

Paris-2024 Yay Olimpiya Oyunlarında Ermənistan güləşçisi Artur Aleksanyanın rəqibinə qarşı kobud davranışı müzakirələrə səbəb olub.

Sonxeber.net Globalinfo.az-a istinadən xəbər verir ki, A.Aleksanyan Yunan-Roma güləşi üzrə 97 kiloqram çəki dərəcəsində özbəkistanlı rəqibi Rüstəm Assakalovu 9:5 hesabı ilə məğlub edib.

Onun qələbə qazandıqdan sonra rəqibinə qarşı davranışı sosial şəbəkələrdə gündəm olub. Belə ki, Aleksanyan R.Assakalovun başını aşağı basaraq üstündən adlayıb və bu hərəkəti rəqibini alçaltması olaraq dəyərlərləndirilib.

Sosial şəbəkələrdə erməni güləşçinin sözügedən hərəkətinə görə turnirdən kənarlaşdırılması tələbi ilə bağlı paylaşımlar edilir.

Hətta bir neçə gün öncə Azərbaycanın cüdo üzrə olimpiya çempionu adını qazanan Hidayət Heydərovun rəqibi ilə davranışı - rəqibinin alnından öpməsi gündəmə gətirilib.

Azərbaycan və Ermənistan təmsilçilərinin hərəkətləri müqayisə olunub və H.Heydərovun davranışı yenidən təqdirlə qarşılanıb.