Aktual mövzular: Dollar alış-satışı, Neftin qiyməti, COP29, Hava proqnozu

“Qalatasaray”ın baş məşqçisi azərbaycanlı hakim istəyir

“Qalatasaray”ın baş məşqçisi azərbaycanlı hakim istəyir

Tarix: 22 Avqust 2024 10:28

Xəbər verdiyimiz kimi, UEFA Çempionlar Liqasında pley-off mərhələsinin ilk oyununda Türkiyə "Qalatasaray"ı səfərdə İsveçrə "Yanq Boyz"una 2:3 hesabı ilə uduzub.

Sonxeber.net qafqazinfo-ya istinadən xəbər verir ki,  "Qalatasaray"ın baş məşqçisi Okan Buruk matçdan sonra açıqlama verib. 

Cəzalı olduğundan oyunu tribunadan izləyən O.Buruk matçın Almaniyadan olan baş hakimi Daniel Siebertin oyunu idarəetməsini tənqid edib.

Onun sözlərinə görə, oyunun əvvəlində hər iki komandaya gərəksiz sarı vərəqələr göstərilib: "Oyun çox dayandı. Hakimin sarı vərəqəni yazması belə 1 dəqiqə davam edirdi. Matçı idarə edə bilməyən bir hakim gördüm. İsveçrənin alman kantonundayıq. Rəqibimiz alman dilində danışır və matçı alman hakim idarə edir. Üstəlik, hakim daha əvvəl Dünya Çempionatında oyunçularımızdan biri ilə problem yaşayıb. Biz də ikinci oyuna azərbaycanlı hakim istəyərik. Türk dilində danışan azərbaycanlı hakim bizim matçı idarə edərsə sevinərik".


Etiketlər:  Qalatasarayın baş məşqçisi azərbaycanlı hakim istəyir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ