Fransızlar Durovun telefonunu necə sındırıb? – Şok əməliyyat

Tarix: 28 Avqust 2024 11:52

2017-ci ildə fransız casusları BƏƏ ilə birlikdə İŞİD-in silahlıları cəlb etmək üçün Teleqramdan istifadə edə biləcəyindən qorxaraq, Pavel Durovun mobil telefonunu sındırmaq üçün əməliyyat keçirib.

Sonxeber.net axar.az-a istinadən bildirir ki, bu barədə "Uoll Strit Jurnal" mənbələrə istinadla məlumat yayıb.

"2017-ci ildə, Makronla görüşdən bir il əvvəl fransız casusları Durovu Birləşmiş Ərəb Əmirlikləri ilə birgə əməliyyatda hədəfə aldılar və onun Ayfonu sındırıldı", - məlumatda bildirilib.

Nəşrin məlumatına görə, casus əməliyyatı "Bənövşəyi musiqi" adı almışdı.

Durova yaxın olan mənbənin qəzetə verdiyi məlumata görə, Teleqram illərdir hüquq-mühafizə orqanları tərəfindən verilən çağırış vərəqələrinə və məhkəmə qərarlarına məhəl qoymur.