Makron: Serbiya Aİ-yə üzv olmağa maraq göstərmir

Tarix: 29 Avqust 2024 17:28

"Serbiya müstəqilliyinə təhdid yaradacağından çəkinərək, Avropa İttifaqına üzv olmağa maraq göstərmir".

Sonxeber.net APA-ya istinadən bildirir ki, bunu Fransa prezidenti Emmanuel Makron bu ölkəyə baş tutacaq səfər öncəsi Serbiya mediasına bildirib.

Serbiya mətbuatında dərc olunan müraciət xarakterli məktubda qeyd olunub ki, ölkənin hakimiyyətində Avropa İttifaqına etimadsızlıq, eləcə də qurumun tərkibinə daxil olmanın uğursuzluqla nəticələnəcəyinə dair şübhələr var.

O eyni zamanda Kosovo probleminin həlli yollarına da toxunub:

"Bizim təklif etdiyimiz normallaşma üsulu aktuallığını qorumaqla yanaşı, həm də serblərin Kosovo ərazisində qanunlara hörmət prinsipi əsasında yaşamasını özündə ehtiva edir. 2019-cu ildə reallaşan səfərimdən sonra münasibətlərimiz daha da inkişaf edib".