Aktual mövzular: Dollar alış-satışı, Neftin qiyməti, COP29, Hava proqnozu

Taekvondoçularımız Latviyada G-1 kateqoriyalı yarışda 13 medal qazanıb

Tarix: 14 Sentyabr 2024 23:52

Latviyada taekvondo üzrə Riqa açıq birinciliyi keçirilib.

Sonxeber.net APA-ya istinadən xəbər verir ki, G-1 kateqoriyalı yarış Azərbaycan millisi üçün uğurlu alınıb.

Gənclərdən ibarət komandamız "Riqa Open"i 13 medalla başa vurub.

Yığmamızın heyətində bütün rəqiblərinə qalib gələn İlyas Hətəmli (48 kq), Məhəmməd Həsənli (⁠51 kq), Fuad Məhərləmli (⁠55 kq) və Elcan Əliyev (⁠78 kq) qızıl medala yiyələnib. Yalnız finalda məğlub olan Nərgiz Kazımova (63 kq) və Yunis Hüseynov (68 kq) yarışda ikinci yeri tutublar.

Digər taekvondoçularımızdan Nilufər Borci (49 kq), Sehri Cəlalova (55 kq), Fatimə Həsənova (⁠59 kq), Harun Salmanzadə (⁠51 kq), Ziya Həsənli (⁠59 kq), Hüseyn Xudiyev (⁠73 kq) və Allahverdi Məmmədov (⁠+78 kq) isə bürünc medala layiq görülüblər.

Qeyd edək ki, komanda Bakıya sentyabrın 16-da qayıdacaq.

Whatsapp ilə göndər